Fíxose esti miércoles 28 d´ochobre l´actividá
complementaria Un día na zona rural de
Xixón entamada pola estaya de Programes Educativos y la Oficina de Normalización
Llingüística del Ayuntamientu de Gijón/Xixón. La xera tuvo autocar y llibru, Cuadernu de campu, too ello de baldre. Demientres
práuticamente tola mañana visitemos la Casería “Casa Lin” na parroquia rural xixonesa
de Poago/Puao, onde se mos trató
perbién en tolos aspeutos.
Esta actividá, inxerida dientro del área de Llingua Asturiana y Lliteratura, contó
cola participación de la prestosa monitora Dalia y la familia de Casa Lin que
mos deprendieron y amosaron el desendolcu de xeres típiques de la casería en
rellación col ganáu bovino, porcino y ovino, la cata de la lleche, y los
animalinos de corral como les pites y los coneyos. Vimos tamién detalles de les
cuadres o cortes, l´horru, les güertes y los praos pa la pación.
D´otra miente, tamién dimos una torna pela rodiada pa ver
la vexetación típica d´arboles y plantes como la figal, la nozal, les flores de
la pasión, la pumar, la cirigüeña, la yerbabono, la castañal, el carbayu, el
carrascu o los lloreos.
Ver más fotos aquí
