LA LLEGADA

Dende´l 6 de mayu fasta´l 1 de xunu pue vese na zona d´esposiciones lliteraries de la nuesa escuela l´espocuentu La llegada, sofitáu nel llibru de la escritora Mar Martín con dibuxos d´Anxelu González (editorial Pintar-Pintar). Esta actividá forma parte del programa ¡Qué cuentu tienes!, entamáu pola Oficina de Normalización Llingüística del Ayuntamientu de Gijón/Xixón. Amás de los cuadros con testos y dibuxos, el nuesu alumnáu d´Educación Primaria pue tamién trabayar el llibrín didáuticu específicu de La llegada con llabores y delles xeres bien prestoses pa deprender asturianu.

De La llegada 6-5-15

Read More

CÓMIC

Esti vienres, 8 de mayu, participemos col nuestru alumnáu de segundu (grupu B) d´Educación Primaria nel Taller de Cómic empobináu pol autor ya ilustrador Ruma Barbero nel Atenéu de La Calzada dientro de les Xornaes 2015 entamaes pola Fundación Municipal de Cultura del Ayuntamientu de Gijón/Xixón. Los neños y les neñes pudieron facer un cómic n´asturianu con dibuxos de dinosaurios. El mesmu taller pal grupu de segundu A suspendióse por un enquivocu na igua d´horarios. Tentaremos facer esta xera dientro de les clases de Llingua Asturiana n´horariu escolar. Los trabayos fechos puen vese nel enllaz que va darréu:

http://xixoncomicup.blogspot.com.es/2015/05/el-dinosauriu-5-xornaes-de-llingua.html

De Xornaes Cómic 2º A-B EP semeyes 8-5-15

Read More

MONTAÑA

El vienres 8 de mayu, tuvimos colos/es nuesos/es escolinos/es de sestu d´Educación Primaria na xera “Camudando´l camín. La montaña n´Asturies”, referente a los trabayos de Berto Alcoceba, nel Salón d´Actos del Atenéu de La Calzada dientro de les Xornaes 2015 entamaes pola Fundación Municipal de Cultura del Ayuntamientu de Gijón/Xixón. Nesta amuesa pudimos ver delles sendes pa senderismu, les téuniques y los materiales d´escalada en monte y les montañes cimeres d´Asturies.

De Xornaes Montaña 6º EP semeyes 8-5-15

Read More

BOLOS CUATREADA

Esti xueves, 7 de mayu, asistimos col nuesu alumnáu de quintu d´Educación Primaria a la xera Taller de bolos (cuatreada), na Bolera Peña Reculta dientro de les Xornaes 2015 entamaes pola Fundación Municipal de Cultura del Ayuntamientu de Gijón/Xixón. Actividá bien afayada pa conocer dellos xuegos y deportes tradicionales asturianos, como los bolos, la llave o la rana.

De Xornaes Bolos 5º EP semeyes 7-5-15

Read More

TEATRU

Esti xueves, 7 de mayu, tuvimos col alumnáu nuesu de cuartu d´Educación Primaria na xera Teatru, “Xuan Soldáu”, del monologuista Carlos Alba, nel Salón d´Actos del Atenéu de La Calzada dientro de les Xornaes 2015 entamaes pola Fundación Municipal de Cultura del Ayuntamientu de Gijón/Xixón. Pieza dramática bien llograda qu´afonda sobro la esistencia del ser humanu.

De Xornaes Teatru 4º EP semeyes 7-5-15

Read More

CANTAR PRESTA MUNCHO

Esti miércoles, 6 de mayu, participemos col nuestru alumnáu de terceru d´Educación Primaria (grupos A y B) na xera Cantar presta muncho nel Salón d´Actos del Atenéu de La Calzada dientro de les Xornaes 2015 entamaes pola Fundación Municipal de Cultura del Ayuntamientu de Gijón/Xixón. Nesta actividá participaron los coros de les escueles El Lloréu, San Lorenzo, Atalia y Rei Pelayo. A la fin, tolos asistentes pudieron cantar a comuña “Fui al Carmin de La Pola”.

De Xornaes Cantar presta muncho semeyes 7-5-15

Read More

ALFARERÍA

Esti martes, 5 de mayu, participemos col nuestru alumnáu de primeru d´Educación Primaria nel Taller d´Alfarería de L.lamas de Moruro nel Atenéu de La Calzada dientro de les Xornaes 2015 entamaes pola Fundación Municipal de Cultura del Ayuntamientu de Gijón/Xixón. Nesta actividá fíxose una amuesa de l´artesanía popular asturiana na que los neños y les neñes pudieron llaborar dellos oxetos bien prestosos.

De Xornaes Alfarería 1º EP semeyes 5-5-15

Read More

XUEGOS TRADICIONALES

Los niños y niñas de Educación Infantil de 5 años también participamos este lunes, cinco de mayo, en el taller de “Juegos tradicionales” de las Xornaes de la Llingua y Cultura Asturiana 2015, y pudimos aprender un montón de juegos que no conocíamos y a los que jugaban en otros tiempos nuestros padres y abuelos: las tres en raya, las cuatro esquinas, el soplido, la araña… ¡Lo pasamos muy bien, como podéis ver en las fotos!

Los neños y les neñes d´Educación Infantil de 5 años tamién participemos esti llunes, cinco de mayu, na xera de “Xuegos tradicionales” de les Xornaes de la Llingua y Cultura Asturiana 2015, y pudimos deprender xuegos abondo que nun conocíemos y a los que xugaben cuantaya los nuesos pás y güelos: les tres en raya, les cuatro esquines, el soplíu, l´arañu… ¡Pasémoslo perbién, como pue vese nes semeyes!

De Xornaes Xuegos 3º EI semeyes 4-5-15

Read More

XX XORNAES DE LA LLINGUA Y CULTURA ASTURIANA

 ENTAMU/INAUGURACIÓN

Esti miércoles, 29 d´abril, participemos col nuestru alumnáu de sestu d´Educación Primaria nel entamu de les Xornaes 2015 nel parque Calixto de Rato d´El Cerillero, llugar destacáu y más antiguu como parque infantil y d´espardimientu del conceyu de Xixón. Depués de lleer el poema “A los neños de La Calzada”, los escolinos y les escolines de los colexos asistentes de la fastera oeste del municipiu, fixeron la so participación a comuña col “Cantar del vasu”. Un actu bien prestosu que da puxu y normalización social a la llingua tradicional d´Asturies.

De XORNAES ENTAMU 29-4-15

Read More

MENÚ DE VERSOS

De 8 de abril de 2015

A lo llargo d´esti mes de marzu ta puestu, na zona d´esposiciones de la nuestra escuela, el llibru Menú de versos (editorial Pintar-Pintar) con testos de la escritora Esther García ya ilustraciones de Borja Saurás. Nel espocuentu, dientro de la estaya de Programes Educativos de la Fundación Municipal de Cultura al traviés de la Oficina de Normalización Llingüística del Ayuntamientu de Gijón/Xixón, espéyense les coses que-yos presten comer a dellos tipos de persones, como per exemplu: los estudiosos, los folgazanes, los mentirosos, los envidiosos o los llambiones. Tamién pue vese la igua d´un comedor escolar al traviés d´un pallabreru específicu:

Asturianu                  castellanu

iguar                        ordenar

acuriosar                  presentar bien las cosas

mesa pa xintar          mesa para comer al mediodía

siella                        silla

mantel                      mantel

cuyar                       cuchara

cuchiellu                   cuchillo

tenedor                    tenedor

platu llanu                 plato llano

platu fondu               plato hondo

servilletes                 servilletas

        

Read More

MANSÍN

Dende´l 1 d´avientu/diciembre de 2014 pa´l 12 de xineru/enero de 2015 tenemos na zona d´esposiciones lliteraries de la nuesa escuela l´espocuentu Mansín, sofitáu nel llibru de la escritora Carla Menéndez Fernández. Nesta bien prestosa obra nárrense les correríes del gallu montesín (en castellán “urogallo”) Mansín qu´apuerta dende´l monte, baxando pela mallada fasta´l pueblu de Tarna.

Esta actividá forma parte del programa ¡Qué cuentu tienes!, entamáu pola Oficina de Normalización Llingüística del Ayuntamientu de  Gijón/Xixón. Amás de los cuadros con testos y dibuxos, los/es nuestros/es escolinos/es puen tamién trabayar el llibrín didáuticu específicu de Mansín con llabores pa da-yos color, sopes de lletres, pa ver cómo se faen les marañueles, o esplicaciones sobro los xuegos de la pita ciega o´l cascayu.
Ver fotos aquí

Read More